BarkulanHub ayaa qaban-qaabisay (1dii Noofembar) Tartankii ugu horeeyey ee dhinaca xisaabta maskaxda (mental math) iyada la kaashanaysa Maktabada Bugaagta ee Gebiley (Gebiley Library) isla markaana martigelisay tartankeedii koowaad ee tartankka xisaabta maskaxda ee Somaliland.
Waxaanu isku dayeynaa inaan wax ka qabano dhibaatooyinka dhinaca tayada barashada iyo xeelahada xalinta xisaabta ee dugsiyada hoose oo intii badan la socotaan in aanay jirin barnaamijyo ama cid ka shaqaysaa. Shaqaalaha Maktabadda, macalimiinta dugsiyada iyo daneeyayaasha kale ee waxbarasha ayaa soo dhaweeyay fikirkan waxay-na nala arkeen arday aad u xiisaynaysa inay wax bartaan oo tartanka diyaar u ah.
Mashruucan in mudo ah ayaanu sugaynay, sida oo kale waxaanu diyaar u nahay, maamul ahaan Barkulan iyo bulshada kale ee ku xidhan Barkulan-ba, sidii aanu mashruucan uga dhigi lahayd mid dhaqan-gala ama mashruuc mudo dheer waara oo anfaca dhalinyarada reer Somaliland, gaar ahaan ardayda dhigata 7 iyo 8-da, isla markaana kor loo qaado kartidooda, kaalintooda iyo xeeladaha sid ay wax u xalliyaan.
Wuxuu tartankani nagu dhiirrigeliyey in aanu mustaqbalka dhow balaadhino oo aanu gaadhno dugsiyada iyo magaalooyinka kale ee dalkan Jamhuuriyada Somaliland. Waxaanu filaynaa inaad nala dareemaysaan caqabadaha ay ardeydan maanta wajahayaan iyo fursadaha ay ku heli-karaan haddii ay tartamadani bataan.Si aanu taa u gaadho, waxaanu codsanaynaa in cid kasta oo waxbarashada danaynaysaa gacan nagu siiso.
Ahmed Omer
Founder & CEO
BarkulanHub
Hargeisa, Somaliland
Stay Connected with Barkulanhub:
- Social Media: @Barkulanhub
- Email: Info@Barkulanhub.com
- Website: www.Barkulanhub.com
Publisher:
Mowlid Mohamoud, Community Manager, Barkulanhub